Чăваш Республикин пуçлăхĕн Олег Николаевăн Указĕпе килĕшÿллĕн, чÿк уйăхĕн 26-мĕшĕнче,  Чăваш тĕррин кунне уявлама палăртнă. Çавна май районти чăваш чĕлхипе тата литература вĕрентекенсен пĕрлешĕвĕ йĕркеленипе  чÿк уйăхĕн 26-мĕшĕнче Чăваш тĕррин кунне халалланă наукăпа практика конференцийĕ иртрĕ. Конференцире 2 секци ĕçлерĕ: «Çĕр пин тĕрĕ çĕрĕнче» пултарулăх секцийĕ, «Чăваш тĕррин, эрешĕн вăрттăнлăхĕсем» тĕпчев ĕçĕсен секцийĕ. Пултарулăх секцийĕнче «Чӑваш тĕррин илемĕ» видеороликсен, «Чӑваш тĕрри илемлĕн курăнать» ÿкeрчĕксен, «Çĕр пин тĕрĕ çĕрĕнче» сăвă шăрçалакансен конкурсĕсем пулчĕç.