Çу уйăхĕн 17-мĕшĕнче, Чăваш Республикин вĕренÿ институтĕнче «Тăван чĕлхе – ăс-хакăл мулĕ» фестиваль иртнĕ. Çак мероприятире Чăваш Республикин вĕренÿ тата çамрăксен политикин министерстви  ирттернĕ «Туслăх хĕлхемĕ» фестиваль çĕнтерÿçисемпе призерĕсене, Раççей шайĕнчи  «Чĕвĕлти чĕкеç – чĕлхе пĕлни пурне те кирлĕ» вăйă конкурсра çĕнтернĕ вĕренекенсене чысланă.

Питĕркассинчи вăтам пĕлÿ паракан шкулти 3-мĕш класра  вĕренекен Анастасия Хорайкина «Туслăх хĕлхемĕ» фестивальте призерсен йышне кĕме пултарнă. Ăна Чăваш Республикин вĕренÿ тата çамрăксен политикин министерствин дипломĕпе чысланă. Çак шкултах ăс пухакан 8-мĕш, 9-мĕш–классенче вĕренекен Светлана Судаковăпа Евгений Хохлов «Чĕвĕлти чĕкеç – чĕлхе пĕлни пурне те кирлĕ» вăйă конкурсра çĕнтерÿçĕсем пулса тăнă. Çĕнтерÿçĕсене дипломсемпе парнесем парса хавхалантарнă.