Чăваш Республикин Шалти ĕçсен министерстви 2013 çулта тĕрлĕ вĕренÿ заведенийĕсенче ятарлă пĕлÿ илме йыхравлать. Шалти ĕçсен органĕсенче службăра тăмашкăн Чул хулара, Хусанта, Санкт-Петербургра, Воронежра çак специальноçсемпе вĕренме пулать: "Правоохранительная деятельность", "Правовое обеспечение национальной безопасности", "Экономическая безопасность", "Специальные радиотехнические средства", "Инфокоммуникационные технологии и системы связи".

Çак вĕренÿ учрежденийĕсенче пĕлÿ илес текенсен районти шалти ĕçсен пайĕнчен направлени илмелле. Абитуриентсен вăтам (тулли) пĕлÿ, пуçламăш е вăтам професси пĕлĕвĕ пулмалла. Сывлăх тата ÿт-пÿ, кĕлетке-çурăм аталанăвĕ енчен те службăра тăма юрăхлă пулмалла.

РФ Шалти ĕçсен министерствин çÿлерех асăннă аслă вĕренÿ заведенийĕсенче федераллă бюджет шутĕнчен куçăмлă майпа (очная форма) пĕлÿ илес текенсен кăçалхи майăн 1-мĕшĕччен хăйсем пурăнакан вырăнти шалти ĕçсен пайне (полици уйрăмне) пырса вĕренме кайма направлени пама ыйтса заявлени çырмалла. Унтан медицина тĕрĕслевĕ витĕр тухмалла; вĕренÿ заведенийĕн официаллă сайтĕнче вĕренме кĕмелли правилăсемпе паллашмалла. Кăçалхи июль уйăхĕнче вĕренÿ заведенийĕнчен извещени илсен кирлĕ документсемпе унта каймалла. Пĕрлехи патшалăх экзаменĕсен кăтартăвĕсем пуррисен вĕсене кăтартмалла. Вĕренÿ заведенийĕнче тепĕр хут медицина тĕрĕслевĕ витĕр тухмалла, профильлĕ предметпа экзамен памалла тата ÿт-пÿ, кĕлетке-çурăм аталанăвне кăтартмалла.

Кун пирки тĕплĕнрех 8(83536) 2-43-98 телефонпа ыйтса пĕлме пулать.