Февралĕн 15-мĕшĕнче И.Н.Ульянов ячĕллĕ Чăваш патшалăх университечĕн Культура çуртĕнче "Хăвна кăтарт" фестиваль-конкурс иртнĕ. Тĕп тĕллев – çитĕнекен ăру пултарулăхне тупса палăртасси тата ăнааталантарасси. Йĕркелекенĕсем – асăннă университетри чăваш филологипе культура тата культурологипе культура хушшинчи коммуникаци факультечĕсем.

Мероприятие республикăри шкулсенче 10-11 классенче вĕренекенсем хутшăннă. Пирĕн районтан та конкурса хутшăнакансем пулнă. Мăн Этмен шкулĕнче 9-мĕш "а" класра ăс пухакан Игорь Падейкин "Илемлĕ вулав" номинацире Р.Рождественский çырнă "Пурте юратуран пуçланать" сăввине вуланă, итлекенсен кăмăлне хускатма пултарнă. Çав шкулти 9-мĕш "б" класра вĕренекен Марина Храмова вара хăй çырнă "Манăн çĕр-шыв" сăввине вуласа "Чи лайăх хайлавçă вулавĕ" номинацире пĕрремĕш вырăн çĕнсе илме пултарнă (ертÿçи О.Н.Михеева).