Мăн Этменти вăтам шкулта 10-мĕш класра ăс пухакан Анастасия Ильина вĕренÿре аван ĕлкĕрсе пынăшăн, тăрăшулăхпа палăрнăшăн кăçал ЧР Патшалăх Канашĕн депутачĕн Николай Маловăн стипендине илсе тăма тивĕçнĕ.

Настя "тăваттă" тата "пиллĕк" паллăсемпе вĕренет, районта иртекен олимпиадăсене хутшăнса пĕлĕвне тĕрĕслет. Кăçал вăл математика предмечĕпе иккĕмĕш вырăна тухнă. Çавăн пекех Настя 2011-2012 вĕренÿ çулĕнче Раççей шайĕнче иртекен "Чи лайăх вĕренекен" дистанциллĕ конкурса хутшăнса иккĕмĕш степеньлĕ лауреат ятне тивĕçнĕ. Спортпа та туслă хĕр ача, волейболла аван вылять.

Настя стоматолог пуласшăн, çавăнпа та халĕ ĕмĕтне пурнăçа кĕртес тесе ытларах вĕренме тăрăшать.