Оборонăпа массăллă, спорт тата патриотизмла ĕçсен уйăхлăхне хутшăнса юн кун Хĕрлĕ Чутайри вăтам шкулта салтак çулне çитменнисемпе кадетсем çар енĕпе виçĕ енлĕн ăмăртнă.

Пневматикăллă винтовкăран персе, Калашников автоматне сÿтсе-пуçтарса тата унăн магазинне патронсемпе тултарса салтак çулне çитменнисем хушшинче (пурте 10-мĕш класра вĕренеççĕ) пĕрремĕш вырăна Николай Аливанкин (винтовкăран перессипе чи лайăх кăтарту), иккĕмĕшне – Кирилл Ярайкин (автомат сÿтсе-пуçтарассипе чи лайăх кăтарту), виççĕмĕшне Дмитрий Мидейкин тухма пултарнă. Кун пек ăмăртусене пĕрремĕш хут хутшăнакан 7-мĕш класра вĕренекен кадетсенчен вара чи лайăх кăтартусемпе малти вырăна Евгений Майоров тухнă, иккĕмĕшпе виççĕмĕш вырăнсене Стас Можайкинпа Алексей Дадюков йышăннă.

Малти вырăнсене тухнисем паян Шупашкарта иртекен ăмăртусене хутшăнаççĕ.