Декабрĕн 1-2-мĕшĕсенче "Хастар" физкультурăпа спорт комплексри бассейнта ишессипе пĕрремĕш уçă ăмăрту иртнĕ. Унта 2000 çулта çуралнă тата унтан та çамрăкрах спортсменсенчен пуçласа 60 çултан иртнĕ 100 ытла ишевçĕ хутшăннă, вĕсем тĕрлĕ дистанцие ирĕклĕ майпа ишнĕ.

Икĕ куна пынă ăмăртусенче малти вырăнсене ачасем хушшинче Михаил Мидаков, Алексей Дадюков, Кирилл Ярайкин, Дмитрий Мидейкин, Ксения Мидакова, Инна Крыцова, Кристина Хохлова, аслисенчен Наталья Мидакова, Юлия Пирогова, Людмила Михуткина, Михаил Секайкин, Владимир Михуткин, Юрий Михайлов йышăннă.

Асăннă ăмăрту хĕрлĕчутайсем хушшинче ишме кăмăллакансен шучĕ ÿссех пынине кăтартса панă.