Пирĕн хушăра ăслă, пултаруллă, Раççейри, республикăри тата районти чылай мероприятисене активлă хутшăнакан ачасем пурри савăнтарать. Вĕсене кашни çулах район администрацийĕн пуçлăхĕн стипендине парса чыслаççĕ.

Акă кăçал та район администрацийĕн пуçлăхĕн октябрĕн 3-мĕшĕнчи 487" йышăнăвĕпе килĕшÿллĕн районти шкулсенчи 20 вĕренекене сентябрь уйăхĕнчен пуçласа май уйăхĕччен кашни уйăхра 100-шер тенкĕ уйăрса стипенди памалла тунă. Палăртма кăмăллă, тĕрлĕ конкурссене, турнирсене, олимпиадăсене хутшăнса пысăк кăтартусем туса стипендие тивĕçнĕ вĕренекенсем йышĕнче Атнар шкулĕнче 11 класра ăс пухакан Нина Александровна Куропаткинапа Алексей Юрьевич Долгов, Мăн Этмен шкулĕнчи 11класри Наталья Владимировна Васильевапа 9 класри Геннадий Вячеславович Мерзлайкин тата 7 класри Валентина Ивановна Михеева, Çĕн Атикасси шкулĕнчи 11класри Николай Николаевич Зотовпа Евгений Михайлович Алексеев тата 10 класри Анастасия Александровна Смирнова, Питĕркассинчи 9 класри Кристина Юрьевна Фадеевапа 7 класри Николай Витальевич Мидушкин тата 11 класри Надежда Александровна Вазина, Мишеркасси шкулĕнче 7 класра вĕренекен Анастасия Сергеевна Журавлева, Штанашри 9 класри Ирина Ивановна Сатлайкина, Хусанушкăнчи 9 класри Анастасия Владимировна Орлова, Тури Çĕрпÿкассинчи 9 класри Яна Александровна Владимирова, Хĕрлĕ Чутай шкулĕнчи 9 класри Елена Витальевна Музяковапа Ксения Александровна Гусельщикова, 10 класри Кирилл Владимирович Ярайкинпа Николай Александрович Аливанкин тата Константин Викторович Савельев.

Малашне те вĕсен район чысне çĕклеме çулĕсем такăр та уçă пулччăр!